luns, 15 de maio de 2017

"Recunchos Letras Galegas 2017"

Xa chegan as Letras Galegas 17 e xa todo está preparado e esperando que todas e todos pasedes bos momentos na biblioteca coa nosa proposta de actividades.
Aquí tendes os recunchos xa preparados:





As actividades xirarán arredor do autor Carlos Casares e do proxecto “EMOCIÓNATE CON NÓS!!”.
Cada titor e titora dividirá o seu grupo-clase  en  5 equipos de 4/5 nenos e nenas.
Na  biblioteca  atoparemos 5 recunchos de traballo, polos cales rotarán os diferentes  equipos, sinalizados con carteis de cores e o Nº correspondente do seguinte xeito:
-          Recuncho 1     (amarelo)
-          Recuncho 2     (azul)
-          Recuncho 3     (verde)
-          Recuncho 4     (vermello)
-          Recuncho 5     (laranxa)
Cada equipo deberá levar a cabo as seguintes tarefas en función do nivel:

Recuncho nº 1, bibliografía: dar resposta e completar os datos requiridos relacionados coa bibliografía do proxecto e Carlos Casares /// crebacabezas de portadas dos libros máis coñecidos de Carlos Casares  
Recuncho nº 2, pasatempos: completar sudokus e palabras enlazadas propostos que deberán resolver en equipo /// completar un sudoku en equipo
Recuncho nº 3, retrato: cada equipo fará un retrato do autor seguindo a estrutura de Folio Xiratorio e tendo como modelo unha das fotos de Carlos Casares.
Recuncho nº 4, mural: Cada equipo decidirá 5 elementos ou aspectos do cole que queren mellorar. Elixirán unha ficha de cor numerada das que atoparán na bandexa no recuncho. Cada nen@ escribirá unha mellora nunha das ringleiras /// elexir entre as fotos do recuncho aquelas que representen as melloras que nos gustarían para o cole.  
Cando rematen pegarán a ficha no lugar do mural que decidan para ir completando con todas as suxestións.
Recuncho nº 5, panel: completar os datos sobre a biografía de Carlos Casares e  composición dun collage con fotos e textos sobre a vida e obra de Carlos Casares- A3.  /// composición dun collage con fotos e textos de Carlos Casares - A3.
Pódese completar con debuxo, frases escritas… e o que se considere oportuno
En cada recuncho  haberá un  sobre de cor numerado co material de actividades para cada equipo: follas de actividades, fotos, puzles, datos… O equipo 1 comeza no recuncho 1 e logo continuase a ronda tendo 10´ por recuncho. Unha vez rematados os 10´ paramos o tempo e cambiamos de recuncho rotando segundo a orde numérica. Os equipos que rematen antes do tempo deben esperar a que o/a mestre-a dé a sinal que indica cambio.
Cada titoría fará unha posta en común da actividade, de xeito que cada equipo expoña aos seus compañeiros e compañeiras o traballo realizado, as dificultades, o que máis lles gustou…
Cada titoría decidirá o xeito de recompilar os materiais para a aula: murais, libro… 

luns, 8 de maio de 2017

"Letras Galegas 2017"

Estamos en maio e moi pronto chegará o 17, "Día das Letras Galegas". A biblioteca xa está preparada para a celebración destas datas e poderemos disfrutar de diferentes actividades en equipo cos compañeiros e compañeiras de clase.
Este ano o autor homenaxeado  é Carlos Casares, gran defensor da cultura galega.
Partindo do noso proxecto, "Emociónate con Nós!!, xogaremos coa vida e obra do escritor e con outras obras do proxecto, que nos servirán para completar as actividades planeadas.
Na biblioteca temos 5 recunchos diferenciados, partindo deles teremos que resolver:
- Sudokus
- Encadeados
- Puzzles
- Preguntas sobre a biografía de Carlos Casares
- Collage sobre Carlos Casares
- Preguntas relacionadas con bibliografía das emocións e do escritor homenaxeado
E máis... Agardamos a vosa visita e pronto concretaremos máis sobre o noso programa.
E para obter máis información sobre Carlos Casares podemos consultar nas seguintes páxinas:

"Día do Libro, Mes do Libro"

No mes de abril as nosas lecturas foron máis especiais aínda. 
O cole encheuse coas achegas das familias, cada neno e nena trouxo de casa un debuxo/foto do seu libro preferido.
Debaixo engadiron unha frase explicando o que ese libro lles fixera sentir. Coa recollida destes traballos fixemos unha fermosa exposición que adorna dende abril as entradas do colexio.

Pero houbo máis, o luns 24 todo o cole saiu á Illa das Esculturas. Ao chegar eliximos un sitio agradable para o noso apadriñamento especial do mes de abril. Os maiores fixeron as ledicias dos pequenos lendo e contando. Dende 4º de infantil a 6º de primaria, todo o cole, (profesorado e alumando) disfrutaron dunha fermosa xornada de lectura.


Para ver máis fotos da xornada clickade na imaxe.

domingo, 23 de abril de 2017

"Un lapis e unha goma"

Esta foi a proposta do noso cole para recoller materiais escolares e donalos aos nenos e nenas sirios que viven no campamento de refuxiados de Azraq.
Ademais da recollida de lapis e gomas todas e todos quixemos agasallalos cos nosos debuxos, algúns deles aparecen na reportaxe que Diario de Pontevedra publicou sobre esta iniciativa do CEIP de Tenorio.


sábado, 1 de abril de 2017

"Mes do libro 2017"

Como cada ano ao longo deste mes de abril  temos de protagonista:
"O LIBRO". 
Recórdanse títulos e por suposto autores que están na mente de todos e todas. Faise mención especial ao libro infantil e xuvenil no día 2 de abril, data na que naceu Hans Christian Andersen no 1805. Este escritor e poeta danés é coñecido  mundialmente polos seus contos para nenos e nenas. A IBBY declarou esta data Día Internacional do Libro Infantil e así lembrar a importancia de ofrecer libros axeitados a todos os nenos e nenas que os axuden a medrar como lectores e como persoas.
Para saber máis deste autor clicka na súa foto e atoparás un lim con interesantes actividades elaborado por Julia González, mestra do Ceip Mestres Goldar. (Grazas por compartilo)

O 23 de abril é a 2ª data simbólica do mes no mundo da literatura. Nese día, no ano 1616, morreron Miguel de Cervantes, William Shakespeare e o poeta Garcilaso de la Vega. Este é o motivo polo cal a UNESCO elixiu esta data para rendir homenaxe ao libro e aos autores.
Ao longo deste mes e para celebrar estas datas especiais, no cole faremos as seguintes actividades:
  • Exposición de fotos/debuxos das "portadas dos nosos libros e pelis favoritas", sinalando  o que nos fixeron sentir e elaborada coa colaboración das familias do centro.
  • Exposición de libros que teñen como protagonista o libro.
  • Apadriñamento lector por parte do alumnado de 4º, 5º e 6º de Primaria con todo o cole para compartir historias, lendas... contadas dos nenos e nenas maiores aos máis pequenos.
Aquí vos deixamos uns vídeos relacionados cos libros e a lectura



martes, 21 de marzo de 2017

"Día Mundial de Concienciación sobre o Autismo"

O día 2 de abril é a data sinalada pola Unesco como Día Mundial de Concienciación sobre o Autismo.
O que se pretende con este recoñecemento é traballar cara a mellora das condicións de vida das persoas con autismo e axudar na creación dunha sociedade máis inclusiva.
Este ano 2017 dende Autismo España e Federación Autismo Galicia propoñen o lema: "Rompamos xuntos barreiras polo autismo. Fagamos unha sociedade accesible" e a súa campaña vai encamiñada a dar a coñecer as barreiras ás que se enfrentan as persoas con Trastorno do Espectro do Autismo.
As persoas autistas teñen unha forma particular de percibir o mundo o que fai que moitas veces as súas actuacións non sexan acordes cos patróns considerados axeitados.
Para saber máis premede na imaxe

e aquí tendes algún vídeo que pode axudarnos a entender
e no seguinte enlace atoaparedes moitos máis:
hasta la luna ida y vuelta

domingo, 19 de marzo de 2017

"21 de Marzo"

O 21 de marzo está sinalado  como "Día da Poesía" e "Día da Árbore". Para commemorar esta data no cole temos a seguinte proposta:
- Elaborar por niveis e ciclos a nosa "Árbore de Poesía", unha árbore moi especial que encheremos de estrofas, rimas, pareados...
- Facer unha exposición na biblioteca con bibliografía relacionada con estas dúas commemoracións. 
Algúns son títulos tan fermosos como

Resultado de imagen de poemas birollos para leer cos ollos  

 
E mentres imos desenvolvendo esta actividade viaxemos coa imaxinación e coa axuda dos seguintes vídeos.O primeiro, unha mostra da marabilla dos nosos bosques.


E tamén este outro, un fermoso conto, sempre axeitado

martes, 7 de marzo de 2017

"8 de Marzo"

Nesta data, 8 de Marzo, celébrase en todo o mundo o  "Día Internacional da Muller ". Existen versións moi diferentes sobre a elección desta data para commemorar tal Día, pero todas elas coinciden que a proposta foi presentada no ano 1910 por Clara Zetkin nun período de gran transformación social e política.
Aínda que non debera ser así, todavía hoxe existen moitas nenas e mulleres que son  privadas dos seus dereitos. Que esta situación mellore, forma parte da educación de nenas e nenos.
Na biblioteca temos unha selección de títulos expostos entre os que podemos atopar os seguintes:
 

 
Na seguinte páxina temos interesantes recursos relacionados con esta data:
recursos educativos (ceipmestresgoldar)
O seguinte vídeo foi montado a partir do conto "O País dos Mandóns"para traballar esta data con nenos de Ed. Infantil. 


E por último...

Grazas a todas e todos os que elaboraron estes recursos e quixeron compartilos.

domingo, 5 de marzo de 2017

"URCO E RAVACHOL"

Aquí vos deixamos un fantástico vídeo sobre a historia do Rei Urco e de Ravachol, as dúas figuras máis importantes do Entroido en Pontevedra. Este estupendo traballo foi elaborado pola profe Lupe e Fidel Prieto. Gracias aos dous por compartilo.

video






martes, 28 de febreiro de 2017

"Entroido 2017"

O venres 24 celebramos o Entroido no cole. 
Participamos todas e todos, dende 4º de Infantil ata 6º de Primaria:
disfrazámonos, desfilamos pola beirarúa, bailamos no patio... e pasamos un día estupendo.
Se queredes ver as fotos da xornada clicade na seguinte imaxe:
Resultado de imagen de entroido