domingo, 13 de maio de 2018

"Recunchos Letras Galegas 18"

Xa todo está preparado para celebrar no cole as Letras Galegas.
Na biblioteca temos preparados 5 recunchos para que traballemos en equipo e xoguemos con Mª Victoria Moreno e as súas obras.




Cada titoría se organizará en 5 equipos que deberán levar a cabo as seguintes tarefas:
Recuncho nº 1, exposición: dar resposta e buscar os elementos requiridos nas obras expostas na entrada da biblioteca // Infantil: Cada equipo elixe a obra que máis lle guste de toda a exposición da entrada, (non pode ser a da súa clase), e tentarán reproducila.
Recuncho nº 2, xogo da oca: seguir as instrucións do xogo para acadar a casiña 63 // Infantil: completar o sudoku
Recuncho nº 3, cómic: cada equipo fará 1 ou varias viñetas cómic nas que Victoria Moreno falará con personaxes das súas obras. Utilizarán un folio A3 e completaran o traballo decorando libremente.
Recuncho nº 4, panel: completar os datos sobre a biografía de Victoria Moreno e  as súas obras // Infantil: facer un crebacabezas da portada dun libro de Victoria Moreno seguindo a estrutura Folio Xiratorio.
Recuncho nº 5, mural: Cada nena e neno elaborarán un autorretrato en tamaño A5 nun dos folios de cores que teñen no recuncho e decorarán o marco. Unha vez rematado o autorretrato pegarano no mural.
Cada titoría disporá das actividades impresas para repartir aos equipos. O equipo 1 empeza no recuncho 1 e logo continuase a ronda tendo 10´ por recuncho. Unha vez rematados os 10´ paramos o tempo e cambiamos de recuncho rotando segundo a orde numérica. Os equipos que rematen antes do tempo deben esperar a que o/a mestre-a dea a sinal que indica cambio.
Cada equipo atopará unha bandexa no recuncho de inicio que utilizarán no percorrido  para recompilar os materiais que se van traballando. Ao rematar deixarán a bandexa valeira no recuncho de comezo.
Cada titoría fará unha posta en común da actividade, de xeito que cada equipo expoña aos seus compañeiros e compañeiras o traballo realizado, as dificultades, o que máis lles gustou…
Cada titoría decidirá o xeito de recompilar os materiais para a aula: murais, libro… 
Agardamos a vosa visita!!!

mércores, 2 de maio de 2018

"Letras Galegas 2018"


Resultado de imaxes para victoria moreno



Xa estamos en maio e o vindeiro xoves día 17 será o Día das Letras Galegas. Este ano a autora homenaxeada é  MªVictoria Moreno. 
Mª Victoria Moreno non naceu en Galicia nin tivo o galego como língua materna, pero dende que chegou aquí estudou e ensinou galego incluso cando non estaba permitido por lei. 
Foi profesora de Ensino Secundario e a súa obra estivo dirixida, en gran parte, ao público infantil e xuvenil.

Nos seguintes enlaces podemos consultar a súa biografía e obra:
Pronto engadiremos novas relacionadas coas actividades propostas no cole arredor desta data. Teremos sorpresas que esperamos sexan de agrado para todas e todos. Estade atentos.
Mentres podedes aprender xogando co seguinte Pasapalabras 
PASAPALABRA
Gracias a todos os que colaboraron na elaboración de todos os materiais e os compartiron.

luns, 23 de abril de 2018

"O pracer dos libros"

Fermoso conto para fomentar a lectura e recordar cantas boas aventuras podemos atopar nos libros...

venres, 30 de marzo de 2018

"Mes do libro 2018"

Como cada ano ao longo deste mes de abril  temos de protagonista:
"O LIBRO". 
Recórdanse títulos e por suposto autores que están na mente de todos e todas. Faise mención especial ao libro infantil e xuvenil no día 2 de abril, data na que naceu Hans Christian Andersen no 1805. Este escritor e poeta danés é coñecido  mundialmente polos seus contos para nenos e nenas. A IBBY declarou esta data Día Internacional do Libro Infantil e así lembrar a importancia de ofrecer libros axeitados a todos os nenos e nenas que os axuden a medrar como lectores e como persoas.
Para saber máis deste autor clica na súa foto e atoparás un lim con interesantes actividades elaborado por Julia González, mestra do Ceip Mestres Goldar. (Grazas por compartilo)


O 23 de abril é a 2ª data simbólica do mes no mundo da literatura. Nese día, no ano 1616, morreron Miguel de Cervantes, William Shakespeare e o poeta Garcilaso de la Vega. Este é o motivo polo cal a UNESCO elixiu esta data para rendir homenaxe ao libro e aos autores.
Ao longo deste mes e para celebrar estas datas especiais, no cole faremos as seguintes actividades:
  • Intercambio de Madriñas e Padriños lectores co CEIP Xunqueira I.
  • Elaboración de marcadores por parte do alumnado de Ed Infantil para agasallar aos lectores da Xunqueira I.
  • Apadriñamento lector por parte do alumnado de 5º e 6º de Primaria con todo o cole para compartir historias, lendas... contadas dos nenos e nenas maiores aos máis pequenos.
  • Exposición de fotos dos diferentes Apadriñamentos, tanto no propio centro como do intercambio coa Xunqueira I
  • Exposición de libros que teñen como protagonista o libro.
  • Contacontos na biblioteca polos Bibliotecarios voluntarios na hora do recreo na semana do 23 ao 27 de abril.
  • Proxección dun corto na biblioteca na hora do recreo.
  • E para rematar a semana a biblioteca sairá ao patio coa grande axuda dos bibliotecari@s.
Aquí vos deixamos uns vídeos relacionados cos libros e a lectura



xoves, 29 de marzo de 2018

"Campionato de Xadrez 2018"

No mes de marzo celebrouse na biblioteca o Campionato anual de Xadrez na hora do recreo. 
A participación foi moi numerosa e a intensidade das partidas foi en aumento ata a Gran Final.
Os dous grandes finalistas foron Jorge e Alén. 
Noraboa a tod@s os participantes, especialmente a estes dous finalistas que xogaron unha última partida realmente apaixonada.



 Os nosos finalistas


"Homenaxeando a Rosalía"

Os nenos e nenas de 2º  ciclo saíron ler poemas no Día de Rosalía e fixeron flores de papel en homenaxe á nosa poetisa.



sábado, 17 de marzo de 2018

"21 de Marzo"

O 21 de marzo está sinalado  como "Día da Poesía" e "Día da Árbore". Para commemorar esta data na biblioteca temos a seguinte proposta:
- Facer unha exposición na biblioteca con bibliografía relacionada con estas dúas commemoracións. 
Algúns son títulos tan fermosos como

Resultado de imagen de poemas birollos para leer cos ollos  

 
E ademais non esquezamos viaxar coa imaxinación e coa axuda dos seguintes vídeos.O primeiro, unha mostra da marabilla dos nosos bosques.


E tamén este outro, un fermoso conto, sempre axeitado

venres, 16 de marzo de 2018

"Pintando con Antón Sobral"

Seguindo co tema da Arte, aquí vos deixamos algúns debuxos e comentarios de agradecemento do alumnado do 3º ciclo a Antón Sobral.




mércores, 7 de marzo de 2018

"8 de Marzo"

Nesta data, 8 de Marzo, celébrase en todo o mundo o  "Día Internacional da Muller ". Existen versións moi diferentes sobre a elección desta data para commemorar tal Día, pero todas elas coinciden que a proposta foi presentada no ano 1910 nun período de gran transformación social e política.
Aínda que non debera ser así, todavía hoxe existen moitas nenas e mulleres que son  privadas dos seus dereitos. Que esta situación mellore, forma parte da educación de nenas e nenos.
Na biblioteca temos unha selección de títulos expostos entre os que podemos atopar os seguintes:
 

 
Na seguinte páxina temos interesantes recursos relacionados con esta data:
recursos educativos (ceipmestresgoldar)
O seguinte vídeo foi montado a partir do conto "O País dos Mandóns"para traballar esta data con nenos de Ed. Infantil. 


E por último...

Grazas a todas e todos os que elaboraron estes recursos e quixeron compartilos.